正文
在灾后重建的道路上，我们将与灾区人民携手共进，共克时艰。我们坚信，经过磨难的洗礼，这片土地将焕发新的生机，迈向更加美好的明天。
——加措合十
མཚོ་འཕགས་4300ནས་5000བར་དུ་གནས་པའི་བོད་ལྗོངས་དིང་རི་རྫོང་ནི། རི་བོ་ཇོ་མོ་གླང་མར་འདབས་འབྲེལ་དུ་ཆགས་ཤིང་། ས་བབ་དང་འཚོ་དབུགས་ཞན་པས་དེར་འཚོ་བ་རོལ་མཁན་ནི་གཞི་ནས་སླ་མོ་མིན་ལ། ཉེ་ཆར་ས་ཡོམ་གྱིས་འཇབ་རྒོལ་ཐེབས་པ་ནི་དཔྱིད་མུ་གེའི་སྟེང་ལ་ཟླ་ལྷག་ལས་མ་འདས། རང་བྱུང་གི་འཇིགས་པ་ཚབ་ཆེན་འདིའི་མི་རྒྱུ་གཉིས་ལ་གོད་ཆགས་ཆེ་ཞིང་། གནོད་ཐེབས་རྗེས་ཀྱི་བསྐྱར་བསྐྲུན་ཡང་དཀའ་ངལ་རབ་ཏུ་ཆེ་བའི་འགག་འཕྲང་རིང་བོ་ཞིག་རེད།
ས་འགུལ་གྱི་གོད་ཆགས་ཐེབས་རྗེས་ཉེ་འདབས་ཀྱི་དགོན་སྡེའི་བླ་གྲྭ་གང་མང་གིས་མི་སྣ་མྱུར་སྐྱོབ་དང་། གཤིན་པོར་བསྔོ་སྨོན། ཤུལ་ལུས་ནང་མི་ལ་སེམས་གསོ་དང་འཚོ་བའི་མཁོ་ཆས་གནང་བ་སོགས་ཀྱི་བྱ་བཞག་ཁྱད་དུ་འཕགས་པར་ཞུགས་པ་དང་། དུས་མཉམ་དུ་སྤྱི་ཚོགས་ཀྱི་ལས་རིགས་སོ་སོའི་བྱམས་བརྩེ་ལྡན་པའི་མི་སྣ་མང་པོས་གོད་ཆགས་ལ་གདོང་གནང་རོགས་དང་གདུང་སེམས་མཉམ་བསྐྱེད་གནང་བར་བཀའ་དྲིན་དང་རྗེས་སུ་ཡི་རངས་ཞུ་འོས། ང་ཚོས་ཀྱང་རས་གུར་500གནོད་ཐེབས་ས་ཁུལ་ལ་རོགས་སྐྱོར་ལ་ཕུལ་ཡོད་ཅིང་། གང་མགྱོགས་གནོད་ཐེབས་ས་ཁུལ་ཁག་ཏུ་འབྱོར་བ་བྱས་ཏེ། གནོད་ཐེབས་མང་ཚོགས་ཀྱི་དཀའ་ངལ་ཕྲན་ཙམ་སེལ་ཐུབ་པའི་རེ་བ་འཆང་བཞིན་ཡོད།
