【魅力藏文】བསླབ་ཚིག་ཀ་ཕྲེང་མ་བཞུགས་སོ།

༄༅། །ན་མོ་གུ་ར་ཝེ། ཀ་མ་ལ་ཡི་འདབ་བརྒྱ་འཛུམ་པ་དེའི་སྟེང་ན། །

ཁ་དོག་སོ་སོར་བཀྲ་བའི་འཇའ་ཚོན་གུར་ཁྱིམ་གྱི་དབུས་སུ། །

ག་བུར་དཀྱིལ་འཁོར་རྒྱས་པའི་དྲི་མེད་གདན་སྟེང་ན་བཞུགས་པའི། །

ང་ཡི་བླ་མ་ལྷག་པའི་ལྷ་དང་དབྱེར་མེད་དེར་འདུད་དོ། །

ཅ་ཅོ་དོན་མེད་ལས་རྣམས་སྤངས་ནས་དོན་ལྡན་གྱི་བྱེད་སྒོ། །

ཆ་ཤས་ཡོངས་སུ་རྫོགས་པའི་སུམ་རྟགས་བདེ་བླག་ཏུ་རྟོགས་སླད། །

ཇ་སོགས་འདོད་སྲེད་དོར་སྟེ་བརྩོན་འགྲུས་ཤུགས་དྲག་གི་སྒོ་ནས། །

ཉ་མོ་ཆུ་ཁ་བཞིན་དུ་འཇུག་འདོད་ཀྱི་གྲོགས་དག་གསོན་དང་། །

ཏ་ཐཱ་ག་ཏའི་བསྟན་པ་ཡོངས་རྫོགས་ཀྱི་དོན་རྣམས་ལྟ་ཞོག །

ཐ་ན་ཚིག་གཅིག་ཚུན་གྱི་དོན་ཡང་དཔྱིས་ཕྱིན་དུ་གོ་ལ། །

ད་ལྟ་རིགས་ཚུལ་འདི་ལ་ནང་བྱན་ཚུད་པ་ཞིག་དགོས་པས། །

ན་ཚོད་ཕྲ་བའི་དུས་འདིར་ཡེངས་མེད་བརྩོན་པ་རང་མཛོད་ཨང་། །