正文
H：可能系搬咗嚟香港之后嗰啲熊猫水土不服啊。
E：讲返啲真系嘅正经嘢啦其实…
H：其实我唔系好劲遮哈嘛？
E：你唔系好劲咩？
H：黑眼圈啊我系话。
E：我就暂时未见过一个人劲得过你啦。即系大家今晚睇到㗎呢，只不过系佢其中一个嘅真面目遮。系啦，都接近好真㗎啦，你睇下佢平时未化妆梳头嗰个样呢……啊……
H：啱啱喺雪柜（太平间）拉出嚟…大吉利是。
E：但系其实我真系好衷心恭喜轩仔啦。我平时玩就叫佢「干仔」呀，张劲干，干呀，国语嚟嘅。
H：我已经好多花名了。
E：其实我识得轩仔呢，系有一次我地去内地做嘢。咁就你同阿助手啦，咁我地交换咗电话啦，同埋阿华仔一齐。我系同时间同一日呢得到两个电话系有个「仔」字，就系轩仔同华仔。好开心。咁跟住呢我地交换咗电话，其实我地讲真，系近排先……喂HelloHello~（跟现场歌迷打招呼）哇你谂下如果同一时间打万几次招呼，几辛苦。
H：你得嘅，反正你都唔停得嘅平时。
E：系，我系唔停得。咁但系我地通常讲嘅嘢都系音乐啦。特别投契啦，咁但系我知道呢，前一排呢，阿轩仔佢呢其实，你睇佢喺台上面个人好从容，其实佢好紧张佢嘅事业啦，佢同埋好关心佢身边好多嘅朋友。甚至有时未必系好close嘅佢都好关心。佢系好钟意帮人嘅呢个人。咁我成日觉得，我终于明白点解你咁瘦，就系你成日帮人。喂，希望你以后帮下自己，顾下自己嘅身体，咁样其实都已经帮到人了。大家可以见到一个健康嘅张敬轩。遮我唔系话你唔健康啊，遮系唔好捱坏呀。
H：不过帮人有福气嘅。
E：同埋前一排佢受好多压力啦，咁我同佢倾下计咁样。
H：其实你个中文名呢，花名呢同你个英文名好似，你系陈医生嚟嘅，你系心理医生嚟嘅。我地最夜嗰次系咪3点呀？
E：差唔多啦。
H：三四点打电话。
E：我琴晚就两点几send咗个SMS畀佢，问佢点呀今日做成点，谂住佢都可能训咗觉，攰得制，点知佢真系未训，就打畀我「哎呀好紧张呀」。我话，有边个演唱会第一场，系唔会错漏百出㗎？我做咗5次都系第一场仍然系「点呀点解会咁㗎」？但系喺台上仍然系「喂，大家好啊」。
H：最紧要观众好，我嘅观众好包容。
E：Anyway，我真系好衷心咁恭喜你有第一次嘅演出。呢个感觉呢好难得嘅，好好收喺里边。
H：多谢，好开心。
E：我相信大家同你一样都会好好收喺个心里边。我都会㗎。
H：好多谢你嚟做我嘅嘉宾。但系我觉得，今晚喺呢度，除咗嚟睇我之外，仲有好多你嘅歌迷喺度！所以冇理由放你走嘅！
