站30呎阳台失平衡！萧正楠头着地没人敢碰

港剧剧透社 · 公众号 · 电影 · 2017-07-19 21:37

正文

请到「今天看啥」查看全文

為咗令個角色特別啲，蕭正楠被設計成輕功了得，經常飛嚟飛去。近日網上流傳一段蕭正楠着女裝喺佛山拍攝嘅片段，佢喺逾 30 尺陽台俾人一腳踢咗落地嘅影片，雖然有晒威吔同榻榻米，但蕭正楠隻腳 kick 親條威吔線，一時失平衡，搞到頭部先着地，而且速度都幾快。

據現場工作人員透露，當時蕭正楠跌落地時聽到「嘞」一聲，瞓喺榻榻米上，郁都唔郁得，大家都好擔心，但又唔敢郁動佢。期間監製、曹永廉等都有輪流過去慰問蕭正楠，等佢自行慢慢坐起身，再由其他人扶住去陰暗位休息。

蕭正楠今日接受傳媒訪問時都話一額汗，佢話：「本來喺瞓，但我頭落地充晒血，條頸硬晒，唞咗一陣，工作人員先扶我返埋一邊搽藥油。開頭好擔心。頸傷可大可少，個幾兩個鐘後好似唔太嚴重，再拍多場簡單文戲，瞓醒當一條好漢。」阿蕭話今次喺拍劇以來，吊最多威吔一次，平均三日吊一次，最難忘係喺北角一棟樓，由七、八樓飛落街，佢直言：「腳都軟埋。」